超毒殺滅小強7式

夏日炎炎，狂風暴雨又來拜訪。當然同時返來嘅，有人類最討厭嘅敵人之一──曱甴小強！實在係冇野可以多講，除咗「討厭」兩個字。相信唔少人都有同樣感受，不過，小強打不死就個個都知，曱甴殺完一隻又一隻。你都有同感？不如睇睇台灣東森新聞網提供幾招，一齊幫小強掘墳墓。（留意：以下招式雖雖然唔需要用到殺蟲水，但都要注意唔可以俾家中小朋友接觸到呀！）

l   咖啡渣
咖啡香味吸引到小強。可以準備啤酒玻璃瓶形狀嘅容器，倒入咖啡渣、水，傾斜瓶身靠牆放係廚房水槽底下，小強入咗去就出唔返來！

l   硼砂
硼砂有毒，將硼砂同麵粉、白砂糖混合。由於小強好甜，只要將混合物灑係廚房櫥櫃、抽屜、廁所排水孔等地方，就可以毒死小強！不過，小心小朋友、寵物誤食。

l   小蘇打
唔想用有毒硼砂，可以用小蘇打粉代替。雖然將小蘇打以及糖混合，小強唔會即時死，不過就好似慢性毒藥咁。只要 3 到 14 日小強聞到呢種氣味會逃走。

l   衣物柔順劑
聽講小強係用皮膚來呼吸，所以濃烈「香味」會受唔住。水混合帶有香味嘅衣物柔順劑，就可以成為天然殺蟑劑。

l   髮型噴霧
髮型噴霧，「gel」頭髮用，帶有黏性。當殺蟲劑咁噴，就會將小強對翼、皮膚痴住，小強就會慢慢窒息而亡。

l   大蒜、洋蔥
大蒜、洋蔥都可以成為天然殺蟲劑。只要將大蒜、洋蔥分別切成泥同碎塊，倒入 4 杯滾水，以及一茶匙的辣椒粉，煮溶就係天然殺蟲劑。

l   靠天然香味驅走
最後一招，如果唔想小強屍體留係屋企，就可以選擇驅除。同樣係靠天然香味，將香蘭葉切半後綑綁多片，或者裝一袋貓薄荷，放係小強出沒點，小強會受唔住逃走。另外，黃瓜皮、橘子皮、檸檬都有同樣功效。咁多款之中，黃瓜皮尤其有效，值得一試！